அஸ்மத்துல்லா ஒமர்சாய் (Azmatullah Omarzai) திங்கள்கிழமை ஐசிசி ஆடவர் ஒருநாள் கிரிக்கெட்டின் சிறந்த வீரர் விருதை வென்றுள்ளார்.
இதன் மூலம் குறித்த விருதினை வென்ற ஆப்கானிஸ்தானின் முதல் கிரிக்கெட் வீரர் என்ற வரலாற்றை அவர் படைத்தார்.
24 வயதான சகலதுறை வீரர், 2024 இல் ஹஷ்மத்துல்லா ஷாஹிடி தலைமையிலான அணிக்காக 14 ஒருநாள் போட்டிகளில் விளையாடினார்.
அந்தப் போட்டிகளில் ஒரு சதம் மற்றும் மூன்று அரைசதங்களின் உதவியுடன் 417 ஓட்டங்களை எடுத்தார்.
அது மாத்திரமன்றி பந்து வீச்சில் 17 விக்கெட்டுகளையும் அவர் கைப்பற்றியிருந்தார்.
2024 டிசம்பர் 17 அன்று சிம்பாப்வேக்கு எதிராக நடந்த போட்டியில் 4.2 ஓவர்களில் 18 ஓட்டங்களுக்கு 4 விக்கெட்டுக்களை கைப்பற்றியமை அவரது சிறந்த பந்து வீச்சு திறனமாக அமைந்தது.
இந்த ஆண்டின் தொடக்கத்தில் ஆப்கானிஸ்தானுக்கு இலங்கையில் தொடரை வெல்லும் முயற்சிக்கு அவரது தனிப்பட்ட திறமை போதுமானதாக இல்லை.
எனினும் அயர்லாந்து, தென்னாப்பிரிக்கா, பங்களாதேஷ் மற்றும் சிம்பாப்வேக்கு எதிராக அவரது அணி வெற்றி பெற்றதால், ஆப்கானிஸ்தானுக்கு தொடர்ச்சியாக நான்கு ஒருநாள் தொடர் வெற்றிகளுக்கு அவர் மிகப்பெரிய பங்காற்றியிருந்தமையும் குறிப்பிடத்தக்கது
